
Mêrdîn 20 roj in li dijî qeyûman di nav çalakiyan de ne 

2019-09-07 13:00:04


	&nbsp;

	MÊRDÎN - Li Mêrdînê 20 roj in li dijî tayînkirina qeyûman çalakiyên şermezar kirinê didomin û di çalakiya îro de banga têkoşîna hevpar hat kirin.&nbsp;

	&nbsp;

	Piştî tayînkirina qeyûman 20 roj in li Amed, Wan û Mêrdînê çalakiyên şermezarkirinê tên lidarxistin. Li Mêrdînê îro li ber avahiya Rêxistina Partiya Demokratîk a Gelan (HDP), bi tevlîbûna Platforma Komeleyên Başûrê Rojhilat û Rojhilat, Federasyona Komeleyên Amedê, Federasyona Komeleyên Bêdlîsê, Federasyona Komeleyên Mêrdînê, Federasyona Komeleyên Wanê, Endamên Kongreya Îslama Demokratîk (DÎK), hevşaredar Ahmet Turk û Fîgen Altindag, parlamenter Ebru Gunay, Necdet Îpekyuz, Huda Kaya, Zuleyha Gulum û Meral Daniş Beştaş daxuyanî hat dayîn.&nbsp;

	&nbsp;

	Di daxuyaniyê de pankarta 'Vîna gel nayê xespkirin' hat vekirin. Serokê Giştî ya Partiya Komînist a Kurdistanê Sînan Çîftyurek, serokê Platforma Komeleyên Başûrê Rojhilat û Rojhilat Abdulhakîm Daş û endamê DÎK'ê Mele Ekrem Baran axivîn û bal kişandin ser tayînkirina qeyûman û gotin hewldaneke bê hiqûqî ye, divê têkoşîneke hevpar bê dayîn.&nbsp;

	&nbsp;

	Dê di saet 16'an de li Niseybîna Mêrdînê ji hêla jinan ve meşek tê organîzekirin û banga tevlîbûnê hat kirin.&nbsp;

	&nbsp;