
Li Mêrdînê ligel astengiya polîsan çalakiya rûniştinê pêk hat 

2019-09-10 13:51:35


	&nbsp;

	MÊRDÎN - Di çalakiya rûniştinê ya Mêrdînê de îro polîsan nehiştin welatî li avahiya HDP'ê derkevin. Lê parlamenterên HDP'ê li dijî dorpêça polîsan li parkê çalakiya rûniştinê li dar xistin.&nbsp;

	&nbsp;

	23 roj in li dijî tayînkirina qeyûman li Amed, Wan û Mêrdînê çalakiyên şermezarkirinê tên lidarxistin. Li Mêrdînê îro bi heman armancê çalakiya rûniştinê dê bihata lidarxistin lê polîsan nehiştin welatî li avahiya Rêxistina Partiya Demokratîk a Gelan (HDP) a Mêrdînê derkevin. Parlamenterên HDP'ê Ebru Gunay, Pero Dundar, Meral Daniş Beştaş, Zuleyha Gulm, Dersîm Dag, Necdet Îpekyuz û Siddik Taş bertek nîşanî astengiya polîsan da û bi meşê çûn Parka Karayoluyê li gel dorpêça polîsan çalakiya rûniştinê li dar xistin.&nbsp;

	&nbsp;

	Ligel astengiyan çalakî hat lidarxistin

	&nbsp;

	Di dema çalakiya rûniştinê de welatiyek xwest dîmen bikêşîne lê rastî astengiya polîsan hat û bi binçavkirinê hat tehdîtkirin. Her wiha welatiyên der dorê xwestin tevlî çalakiya rûniştinê bibin ji hêla polîsan ve hatin astengkirin û welatî cihê ku hatin rawestandin li vir dest bi rûniştinê kirin. Di çalakiyê de parlamentera Sêrtê Meral Daniş Beştaş axivî û parlamentera Mêrdînê Ebrû Gunay jî bi telefona xwe dimên kêşand û ji medyaya civakî re parve kir.&nbsp;

	&nbsp;

	'Em dev jî çalakiyên xwe bernadin'

	&nbsp;

	Meral, di çalakiyê de diyar kir ku di bin dorpêça polîsan de çalakiyê li dar dixin û nahêlin HDP'yî û welatî tevlî çalakiyê bibin. Meral, wiha axaftina xwe dom kir: "Welatî li cihek em jî li cihekî rûniştin û me çalakiya xwe pêk anî. Her wiha Wezareta Karê Hindûrin gotina qeyûmê qedexe kir û walîtî jî çalakiyên şermezarkirinê qedexe kir. Lê em tu carî dev jî çalakiyên xwe yên şermezarkirinê bernadin. Qeyûm nikare Mêrdinê bi rêve bibe."

	&nbsp;

	Parlamenteran piştî daxuyaniyê da zanîn ku li parkê çalakiya xwe ya rûniştinê dê bidomînin. &nbsp;

	&nbsp;

	&nbsp;

	&nbsp;

	&nbsp;

	&nbsp;

	&nbsp;

	&nbsp;