
PEN’a Kurd: Pêşî li êrîşên li dijî Rojava bigirin 

2019-10-10 17:23:57


	&nbsp;

	AMED - Derbarê êrîşên dewleta tirk ên li ser Rojava, Navenda PEN’a Kurd daxuyanî da. Di daxuyaniyê de hat ragihandin ku armanca êrîşan qirkirina gelê kurd e û ji bo rê li êrîşan bê girtin divê hemû mirovên xwedî helwest piştevaniyê bike da ku rê li ber êrîşan bê girtin.&nbsp;

	&nbsp;

	Rêveberiya Navenda Giştî ya PEN’a Kurd têkildarî êrîşên Tirkiyê yên li dijî Rojava ku di roja duyemîn de didome daxuyaniyek nivîskî weşand.&nbsp;

	&nbsp;

	Daxuyaniya Navenda PEN’a Kurd wiha ye:&nbsp;

	&nbsp;

	“Di domana sedsalên borî da Rojhilata Navîn her tim bûye qada şerên mezin û malwêranker. Hêzên dagirker û talanker ji bo sepandina serdestî û dagirkerîya xwe, xwîna bi milyonan mirov ji olên cuda rijandine. Di van şeran da her tim mirov bindest û bêguneh bûne qurbanî.

	&nbsp;

	Gelê kurd wekî qewmekî xwecihî û resen ê Rojhilata Navîn her tim bûye mexdûrî û qurbanîya şerên dagirker û talankeran. Welatê wan ji aliyê desthilatdarên herêmî û cîhanî ve hatiye parçekirin. Ne tenê nasnameya mirovî, zimanî û çanda wan jî nehatiye pejirandin. Kurd pirî caran bi awayekî fîzîkî, siyasî û civakî tûşî komkujiyan bûne. Tevî hemû zordestiyan gelê kurd dest ji xebatê bernedaye û di encama vê xebat û têkoşînê da li Başûr û Rojava, deskeftiyên mezin bi dest xistine.&nbsp;

	&nbsp;

	Tê xwestin azmûna pêkvejiyana aştiyane ya gelên cuda li Rojavayê Kurdistanê bi dawî bibe

	&nbsp;

	Desthilatdarên şovînîst ên herêmê li ser asta cîhanî û herêmê bi awayekî domdar hewla bêstatuhiştin û reşkirin a kurdan dane. Îro jî dîsa gelê kurd li Rojavayê Kurdistanê bi qirkirinekê ra rû bi rû ye. Rewşa niha jî hewldanek navneteweyî ye ku derencama wê jî komkujî û malwêraniyeke gelek mezin diafirîne. Ya ku li Efrînê qewimî jî mînakek berbiçav e û heta vê kêliyê jî qirkirin, guhartina pêkhateyan û demografiya vî bajarî berdewam e. Bi heman awayî dewleta tirk êrişî Rojavayê Kurdistanê dike. Armanc qirkirina gelê kurd û guhartina demografiya Rojavayê Kurdistanê ye. Bi vê ra jî dixwaze azmûna pêkvejiyana aştiyane ya gelên cuda li Rojavayê Kurdistanê bi dawî bike.

	&nbsp;

	Pêşî li êrîşên li dijî Rojava bigirin

	&nbsp;

	Em weke Navenda PEN a Kurd bang li hemû mirovên xwedî wijdan û azadîxwaz dikin ku demildest hewl bidin da ku pêşî li êrîşên li ser azmûna azadî û serkeftina Rojavayê Kurdistanê, pergala pêkvejiyana gelên cuda ya li Bakur û Rojhilatê Sûriyeyê, bigirin. Em bang li hemû mirovên xwedî helwest dikin piştevaniya me bikin da ku bi hev ra em li dijî hemû plangêriyên qirêj bigirin û rê nedin komkujiya li ser Rojavayê Kurdistanê.”&nbsp;

	&nbsp;