
'Bi hêza şervanan em ê bi ser bikevin û faşîzmê têk bibin'

2019-10-12 19:48:31


	&nbsp;

	Dilûcan Bozî

	&nbsp;

	EYN ISA - Jinên ku beşdarî konê çalakiya mertalên zindî yê li Eyn Isa bûne, derbarê berxwedan gelê Rojava de wiha gotin: "Em ê li ber xwe bidin heta ku em bigihêjin serkeftinê."

	&nbsp;

	Çalakiya Konê Mertalên zindî &nbsp;yê ku li dijî êrîşên dewleta tirk ên li ser axa Bakur û Rojhilatê Sûriyeyê, &nbsp;li navçeya Çelebiyê pêşiya baregeha kaolisyonê hatiya lidarxistin, berdewam e. Jinên ku beşdarî konê çalakiya mertalên zindî bûn e helwestên şermezarkirinê nîşan dan. &nbsp;&nbsp;

	'Em ê xwe bikin mertalên zindî û li dijî Erdogan bisekinin'

	&nbsp;

	Jina bi navê Cîhan Elî bal kişand ser berxwedana gel û wiha got:"Îro em li konê çalakiya mertalên zindî ne. Em ê li vî welatî bimînin, heta ku em bi ser bikevin. Bi şev û roj em ê li ber xwe bidin û piştgiriya şervanên xwe bikin. Em hêza xwe ji şervanên xwe digirin û şervan jî hêza xwe ji me digirin. Gel bi coşek mezin li berxwe dide. Me şerê Erdogan nekiriye, em axa xwe diparêzin."

	&nbsp;

	'Ya mirin an serkeftin'

	&nbsp;

	Jina bi navê Meyade Mehmûd jî axivî û wiha got: "Heta hêza xwe ya dawiyê jî em ê li ber xwe bidin. Heta ku em bigihêjin serkeftinê. Em ji belafirên Erdogan natirsin, tu carî em dev ji vê axê bernadin. Ya mirin an serkeftin."

	&nbsp;

	'Zarok û jin di şer de tên hedefgirtin'

	&nbsp;

	Herî dawî jî Meryem Ibrahîm da zanîn ku wê bi hêza têkoşerên azadyê, êrîşan têk bibin û wiha dawî li axaftina xwe anî: "Yê herî zêde di nava şer de zerarê dibînin zarok û jin in. Lê bi berxwedana jinan û hêza şervanan em ê bi ser bikevin. Şervanên me moral ji me digirin. Em dev ji vê axê bernadin û em ê nehêlin ku dewleta faşîst derbasî xaka me bibe."

	&nbsp;

	&nbsp;