
'Pêwist e yekîtiya kurd ava bibe û dagirkerî têk biçe' 

2019-10-18 09:01:37


	&nbsp;

	HESEKÊ - Dayikên temenmezin girîngiya avakirina yekîtiya kurdan nirxandin. Dayikan gotin: "Êdî bes e dijmin me parçe dike, eger em nebin yek, em ê herin yek bi yek."

	&nbsp;

	Ji 9'ê Cotmehê ve dewleta tirk li hember gelê Bakur û Rojhilatê Sûriyeyê êrîşên hewayî û bejahî pêk tîne, di encamê de gelek jin û zarok her wiha rojnemevan jiyana xwe ji dest dan. Derbarê yekîtiya gelê Kurd de dayikên temenmezin nêrînên xwe anîn ziman.

	&nbsp;

	'Dijmin em parçe kirine ka em bi hev re yekîtiya xwe ava bikin'

	&nbsp;

	Dayika Fatma Xelîl Hesen a ku ji ber topbarana dewleta tirk a li Serêkaniyê neçarî derketinê bû wiha dibêje: "Bi hezarê salan dijmin em kirine parçe parçe. Sînor di navbera me de ava kirine da ku em negihêjin hev. Hewl didin ziman û nasmaeya me biguherînin û tune bikin. Li hember ewqas bûyerên derheqê kurdan de pêk tên, em banga avakirina Kongreyê KNK'ê dikin, da ku gelê kurd êdî bes qir bibe û em bikaribin azad û bi rûmet bijîn."

	&nbsp;

	'Da ku Şengaleke din dubare nebe, em yekîtiya kurd ava bikin'

	&nbsp;

	Xatûn Îso beriya 4 mehan ji Kobanê ji ber dewleta tirk mala wê hedef hat girtin, di encamê de hevserê wê jiyana xwe ji dest da, hat Serêkaniyê û îro ji ber topbaran dewleta tirk neçarî derketinê bû. &nbsp;Xatûnê derbarê &nbsp;girîngiya avakirina yekîtiya kurdan de ev yek anî ziman: "Bila Şengaleke din dubare nebe. Bila êdî jinên kurd bes li bazaran werin firotin. Em ne aşiqê xwînê ne em aştî û azadiyê dixwazin. Bila kurd bibin yek, ji hemû deman îro hewceye Gelê Kurd bi yekîtiyê heye. Em yekîtiya xwe ava bikin û dawî li dagirkeriya dewleta tirk bînin û rê nedin tu dijminê din destê me ji hev derbixînin û me parçe bikin."&nbsp;

	&nbsp;