Çalakiya nobedê ya li dijî JES’ê diroja 65’emîn de ye  

2026-07-06 19:02:30


	 

	MÛŞ - Çalakiya nobetê ya li dijî  JES’ê a ku ji aliyê  ". IGNIS H2 Enerjî A.Ş. " ve li gundê Xwarikê yê navçeya Gimgimê tê xwestin bê çêkirin, di roja xwe ya 65’an de berdewam dike.

	 

	Nobeta li dijî Santrala Hêza Jeotermal (JES) a ku ji aliyê  "IGNIS H2 Enerjî A.Ş " ve li gundê Xwarikê yê navçeya Gimgim a Mûşê tê xwestin bê çêkirin, didome.

	 

	Çalakiya nobetê ya ku bi pêşengiya Meclîsa Ciwanan a Platforma Ekolojiyê ya Gimgimê hatiye destpêkirin, kete roja xwe ya 65’an. Li ser konê ku li qada nobetê hatiye danîn, pankartek hate daliqandin ku li ser wiha dinivîse: "Dayika me hemûyan heye. Ew jî Dayika Erd e. Em ê rê nedin ku dest bidin axa me. Jinên Gimgimê vê talanê red dikin."

	 

	Serdanên piştevaniyê berdewam dikin.

	 

	Di roja 65’an a nobetê de, gelek welatî ligel rêxistinên girseyî yên demokratîk serdana qadê kirin da ku piştevaniya xwe nîşan bidin.