Rapora binpêkirina mafên jinan: Di 2 salan de 12 jin hatin qetilkirin 

2026-03-05 11:28:04


	 

	RIHA - Rapora Binpêkirinên Mafên Jinan a ji aliyê Baroya Rihayê û Komeleya Xwegihandina Mafê Darizandina Adil ve hatiye amadekirin, tundiya li ser jinan a li bajêr radixe ber çavan.

	 

	Li gorî rapora ku di çarçoveya projeya ku hevkariya li gel Delegasyona Tirkiyeyê ya Yekîtiya Ewropayê de li gorî dîrokên di navbera 1’ê Çileya 2024’an û 12’ê Kanûna 2025’an de hatiye amadekirin, li bajarê Rihayê di vê serdemê de;

	 

	-12 jin hatine qetilkirin,

	 

	-187 jin li rastî tundiyê hatine,

	 

	-36 jin li rastî tacîza zayendî hatine,

	 

	-24 jin jî li rastî êrîşa zayendî hatine.

	 

	- Her wiha 16 jinan jî hewl dane xwe bikujin.

	 

	Di raporê de hate diyarkirin ku piraniya tundiya li ser jinan ji aliyê kesên ji malbatê û têkiliyên nêzîk ve hatine kirin.

	 

	Li gorî daneyan;

	 

	-Di sala 2024’an de 97,

	 

	-Di sala 2025’an jî 90 bûyerên tundiyê li ser jinan hatine tespîtkirin.

	 

	- Di heman serdemê de 36 bûyerên taciza zayendî û 24 êrîşên zayendî çêbûne.

	 

	Raporê diyar kir ku ji bilî 12 jinên ku di navbera salên 2024-2025’an de hatine qetilkirin, 2 jinan jî bi awayekî guman jiyana xwe ji dest dane.