Cinîyan ra mesajê 8ê Adare: Wa şerî peynî bibê 

2026-03-05 09:14:18


	 

	Rozerîn Gultekîn- Oznur Deger

	 

	WAN - Cinîyan derheqê 8ê Adare de ercnayîş kerdî û wina vatî: “Welat açaryayo goristanê cinîyan. Wa êdî cinî nêmirê. Wa şerî peynî bibê. Biciwîyo azadî.”

	 

	Têgêrayîşê Cinîyanê Kurdan (TJA) û rêxistinê cinîyan ke bi sloganê ‘ma bi xoverdayîşî azad benê cimatê demokratîkî mûnenê’ 8ê Adare Roja Cinîyan a Dinya pêşwazî kenê, heme bajar û wareyan de derheqê 8ê Adare de xebatan domnenê. No demo ke cinî yenê qetilkerdiş, gumanbarî bêceza yenê verdayîş û cinî her wareyî ra yenê îzolekerdiş de, cinî 8ê Adare pêşwazî kenê û waştişê înan azadîya.

	 

	‘Welat açarya goristanê cinîyan’

	 

	Ma kuçeyanê Wanî de mesajê 8ê Adare yê cinîyan persa. Cinîyê Wanî derheqê 8ê Adare de qisey kerdî û wina vatî: “Welat açarya goristanê cinîyan. Wa êdî cinî nêmirê. Wa şer peynî bibo û biciwîyo azadî. Bi hezaran cinî yenê qetilkerdiş. Wa cinî azad bibê. Wa camêrdî bêrê cezakerdiş. Wa serrêka azad bo. Ma 8ê Adara ke cinî û tutî nînê qetilkerdiş wazenê. Wa cinî azad bê, bi hawayêk azad qisey bikerê û wa şîdet çinbo. Gumanbar nînê cezakerdiş. Ma edalet wazenê. 8ê Adare pîrozbayî nîya, roja têkoşînî ya. Ganî polîtîkayê hukmî bêrê rastkerdiş.”