
Arzoxlî de hemverê qirkerdişî rayîrşîyayîş 

2026-03-07 15:42:17


	&nbsp;

	AMED - Eşkerayîya derheqê GES’î û îşkenceyo ame kerdiş de ame vatene ke do derûdor û dewaya xo bipawê û ame vatene ke semedê betalkerdişê projeyê ZENKAR-2 zî prosesê qanûnî ameyê destpêkerdiş.

	&nbsp;

	Platformê Pawitişê Dewa Kervanpinar û Meclîsê Ekolojîyê Amedî, derheqê GES’î ke do dewa Arzoxlî de bêro viraştiş û îşkenceyo ame kerdiş de eşkerayîye da. Roniştoxê dewe, Partîya Têduştî û Demokrasîyê Şaran (DEM Partî), Komeleya Ekolojîya Amedî, xeylêk sazgeh û dezgehî beşdarê eşkerayîye bîyî.

	&nbsp;

	Eşkerayîye de destpêk de roniştoxa dewe Guler Çîftçî reaksîyon nîşan da û va: “Wazenê dewa ma panel virazê. Na herre herra dayîk û babîyê ma ya û ma nê semedî ra ma nê cayî de kom bîyî. Çend rojan verê kesê ke wazenê GES’î tîya virazê ma reaksîyon nîşan da, labelê îşkence ma rê kerdî. Ma nê îşkenceyî tu wext qebûl nêkenê. Ma nêwazenê derûdorê ma bêro talankerdiş û ma do destûr nêdê. Wa dewlete û Wezîrê Edaletî nê çî bido vindarnayîş. Wezîrê Edaletî wa nê bêedaletî bivîno. Ma sey roniştoxê dewe tu wext fek nê yewîtîya xo ra veranêdanê.”

	&nbsp;

	‘Ganî bêro pawitiş’

	&nbsp;

	Dimayê nê Hemverfekê Meclîsê Ekolojîya Amedî Sabrî Kiliçî qisey kerd û va ke no qerar eşkere keno ke herême cayêk mîrasê muhîm a ke tenya semedê yewparçeyîya tarîxî nê, labelê eynî wextî de semedê yewparçeyîya ekolojîk û kulturî zî ganî bêro pawitiş.

	&nbsp;

	Semedê xoza rayîrşîyayîş&nbsp;

	&nbsp;

	Dimayê eşkerayîye heta vejîyayîşê dewe bi sloganê “Heq, hiqûq, edalet”, “Jin Jiyan Azadî” û “Bêxoza cuye nêbena” rayîr ra şî.

	&nbsp;

	&nbsp;