ANQARA - Hemserekanê Pêroyî yê DEM Partîyî Tulay Hatîmogullari û Tuncer Bakirhan reaksîyon vera astengkerdişê hemverê çapemenîya kurdî mojnayî û wina vatî: “Lazim o ke fek polîtîkayê sansurî ke heqê şarê agahî girewtişî, vengê kurdî û Çapemenîya Azadî hedef gêno, verabidê.”

 

Hemserekanê Pêroyî yê DEM Partî Tulay Hatîmogullari û Tuncer Bakirhan derheqê astengkerdişê hesabê Xî yê Ajansa Welat, rojnameyê Azadiya Welat, Nûmedya24 û Sendîkaorgî ser hesabê xo yê Xî eşkerayî dayî û reaksîyon mojnayî.

 

Tulay Hatîmogullari eşkerayîya xo de va ke astengî hemverê çapemenîya azad manaya israrkerdişê polîtîkayê sansurî dana û wina va: “Nê qerarî çapemenîya kurdî, weşanê muxalîf û heqê şarê agahî girewtişî hedef gênê û azadîya çapemenîye bi qerarê îdarî fetisnenê. Nê pratîkê ke wazenê rojnamegerî bêveng bikerê nînê qebûlkerdiş. Lazim o ke fek polîtîkayê sansurî ke heqê şarê agahî girewtişî, vengê kurdî û Çapemenîya Azadî hedef gênê, verabidê.”

 

Tuncer Bakirhan zî eşkerayîya xo de dîyar kerd ke polîtîkayê sansurî tersê îqtîdarî yê hemverê rastîye vejeno û nê çî va: “Cezakerdişê rojnamegeran, hedefgirewtişê çapemenîya kurdî mudaxeleyêk hemverê azadîya çapemenîye yo. Sansur nêeşkeno rastîye tarî bikero, tena zirar dano demokrasî ro. Çapemenîya azad nîna bêvengkerdiş û bi astengîyan nîna teslîmgirewtiş. Lazim o ke lezkî fek nê pratîkanê ke çapemenîya azad, neqlkerdişê kurdî û heqê şarê girewtişê agahîyan hedef gênê, verabidê.”