ANQARA - Heyetê Îmralîyî yê DEM Partî do siba Serekê Pêroyî yê Partîya Gelecekî Ahmet Davutoglu reyde pêvînayîş bikero.

 

Heyetê Îmralîyî yê Partîya Têduştî û Demokrasîyî ya Şaran (DEM Partî) ke parlamenter Pervîn Buldan, Mîthat Sancar û avûkatê Buroyê Huqûqî yê Seserrî Faîk Ozgur Erolî ra yeno pê, do siba Serekê Pêroyî yê Partîya Gelecekî Ahmet Davutoglu reyde pêvînayîş bikero.

 

Siba do Partiya Gelecekî dir pêvînayîş bikerê

 

Ame zanayene ke pêvînayîş do Merkezê Pêroyî yê Partîya Gelecekî de saete 10:00î de bêro kerdene. Yeno zanayene ke pêvînayîşê Heyetê Îmraliyî û Davutoglu de pêvînayîşo peyên ê Rayberê Şarê Kurdî Abdullah Ocalanî reyde, rewşa peyêne ya Prosesê Aştî û Komelê Demokratîkî û gamê ke do nika ra pey bêrê eştene, bêrê erjnayene.

 

Pêvînayîşê Ozgur Ozelî dir ame taloqkerdiş

 

Heyetê Îmraliyî yê DEM Partî ke parlamentera Wanî Pervîn Buldan, parlamenterê Rihayê Mîthat Sancar û avûkatê Buroyê Huqûqî yê Seserre Faîk Ozgur Erol do roja sêşeme merkezê pêroyî yê CHP'yî Serekê Pêroyî Ozgur Ozel dir pêvînayîş bikerdêne. Pêvînayîş semedê şeredara Şehzadeyan ê Manîsa Gulşah Durbay dinyaya xi bedelnaye, rojê bêro de ame taloqkerdiş.