RIHA - Ablûqaya Kobanê ser o roja 41ine de dewam kena. Nifûsê bajarî 600 hezar kesî derbas kerdo û krîzêk insanî rî dayê. 

 

Komê HTŞ, DAIŞ û yê paramîlîterî yê girêdayeyê dewleta tirkan, 20ê Sibate de hêrişî Kobanê kerd û kerd binê ablûqa. Ablûqayê bajaran ser o roja 41ine de dewam kena. Ganî ablûqaya bajarî ser o çarçewaya peymana 29ê Çeleyî ya mabêne HSD’yî û hukmatê demkî de biameyîne wedarnayî la hema zî tu gamêke somutî nêameyê eştiş. 

 

Destpêkerdişê hêrişan dir Tebqa, Reqa û Heleb de xeylêk kesan verê xo da merkezê Kobanê. Yeno destnîşankerdiş ke nifûsê merkezî 600 hezar kesî derbas kerdo. Semedê ablûqayê bajarî ser, babaetanê xida, awa pake û xizmetê weşîye de problemê cidî yenê ciwîyayîş û krîzê insanî roj bi roje giranêr beno.