MERKEZÊ XEBERAN - Dimayê ke zîndanê Mahabadî ame bombavarankerdiş, tepişteyê sîyasî neqlê zîndanê bînî kerdî.

 

Goreyê Tora Heqê Merdiman yê Kurdistanî dimayê ke merkezê leşkerî yê nêzdîyê zîndanê Mahabadî yê Rojhelatê Kurdistanî, hetê Amerîka ra ame bombavarankerdiş, tepişteyê ke berê înan amebî padayîş, wuştî xo ser.

 

Goreyê eynî çimeyî hêzê rejîmê Îranî hêrişê tepişteyan kerdo û gazê çim veşnenê, hemverê tepişteyan şuxilnayê.

 

Ame vatiş ke nêzdîyê 18 tepişteyê sîyasî ke zêdeyêrî 10 serrî cezaya zîndanî înan rê ameya birnayîş, bi darê zorî neqlê zîndanê Miiyandwaw kerdê.