MÊRDÎN - Pêwa varanê zêde zî şar semedê pîrozbayîyê Newroze ver bi meydanî şono.

 

Qezaya Nisêbînî ya Mêrdînî de, pîrozbayîyê Newroze bi sloganê “Newroza Azadî û Yewîya Demokratîk” yeno organîzekerdiş. Welatijî bi cilê xo yê kurdî meydanê Newroze yê Nisêbînî de herikyayî.

 

Welatijî meydan de bi alê zerdî, sûrî û keskî ca girewtî û verê deyîranê ke sehne ser de, govende kerdî. “Newroze Pîroz Bo” ekranê sehne ser o ame mojnayîş, eynî wextî de pankartê ke sehne ser o daliqnayî bî zî sloganê “Newroza Azadî û Demokratîke” nuştî bî.

 

Pêwa varanê zêde yê qezaye, welatijî hema zî meydanî de herikîyenê û yeno pawitiş ke sîyasetmedara kurde Gultan Kişanak û sîyasetmedarê bînî Meydanê Newroze de qisey bikerê.​​​​​​​​​​​​​​​​