MERKEZÊ XEBERAN- Qerarê awankerdişê Komîsyonê Cipersayîşî yê Parlamentoyî semedê cigêrayîşê pêro hetê hêrişê ke dibistanan de qewimyayî, Rojnameyê Fermî de ame weşanayîş.

 

Qerarê awankerdişê Komîsyonê Cipersayîşî yê Parlamentoyî semedê cigêrayîşê pêro hetê hêrişê dibistananê qezaya Sêwreg û Mereşî ya Rihayî de Rojnameyê Fermî de ame weşanayîş.

 

Goreyê qerarî, madeyê 98ine ê Destûrê Bingehîn û madeyê 104 û 105ine yê Rêziknameyê Meclîsî, bi armancê cigêrayîşê pêro hetê hêrişê ke dibistanê Riha û Mereşî de qewimyayî, tehluke û tesîrê negatîfî yê ke tutî derûdorê dîjîtalî de rî bi rî manenê, averşîyayîşê çareseriyan û destnîşankerdişê tedbîrê ke ganî semedê vernîgirewtişê hedîseyê bi nê rengî bêrê padayîş, cipersayîşêk parlementoyî ame destpêkerdiş

 

Qerar ame dayîş ke komîsyon semedê cipersayîşî 22 endaman pê bêro, esasê xebata a roja weçînayîşê serek, temsîlkarê serek, verfek û sekreter dest pêbikero 3 aşmî bo û eke lazim bo eşkeno teberê Anqarayî de zî bixebitîyê.