HESEKÊ - Artêşa tirk û komên girêdayî wê erebeyên amabulansê yên ku berê xwe didan Serêkaniyê da ku sivîlên birîndar rakin hedef girtin.

 

Artêşa tirk û komên girêdayî wê erebeyên amabulansê yên ku berê xwe didan Serêkaniyê da ku sivîlên birîndar rakin nexweşxaneyan hedef girtin. Di heman demê de Nexweşxaneya Roj a Serêkaniyê topbaran kirin.

 

Endama Heyva Sor a Kurdî Maya Silman diyar kir ku artêşa tirk û komên girêdayî  wê sivîlan hedef digirin û wiha got:"Em wekî Heyva Sor a Kurdî berê xwe didin Serêkaniyê bi armanca ku em sivîlan rakin nexweşxaneyan, em ber çavan dibînin ku artêşa tirk a dagirker çawa sivîlan hedef digirin û îro jî ambûlansê hedef hat girtin da ku em nikaribin birîndaran rakin."

 

‘Hedefgirtina amabulansan dûrî exlaqê mirovahiyê ye '

 

Mayayê di dewama axaftina xwe de got: "Hedefgirtina erebeyên ambulansan dûrî exlaqê mirovahiyê ye. Em ê heta dawî hewl bidin ku em xwe bighînin birîndaran û rakin nexweşxaneyan .Ez bang li saziyên mafê mirovan dikim ku bi erkê xwe yê exlaqî ,wicdanî û mirovî rabin û rê nedin dewleta tirk a sivîlan hedef digire."