NAVENDA NÛÇEYAN - Li Fransa, Elmanya, Norweç, Ewusturya, Hollanda, Swîsre, Îtalya, Danîmarka, Yewnanistan û Swêdê kurd û dostên kurdan daketin qadan û operasyona leşkerî ya li hemberî Bakur û Rojhilatê Sûriyeyê şermezar kirin. 

 

Operasyona leşkerî ya li hemberî Bakur û Rojhilatê Sûriyeyê di roja 5'emîn de berdewam dike. Di operasyonê de nexweşxane, dibistan û ambulas hatin bombekirin. Her wiha gelek sivîl jî ji ber êrîşan birîndar bûn û jiyana xwe ji dest dan. Her wiha li dijî êrîşan li gelek cihan kurd û dostên kurdan herîkin qadan û bertekên xwe bi çalakiyan anîn ziman. 

 

Li bajarên Fransa, Elmanya, Norweç, Ewusturya, Hollanda, Swîsre, Îtalya, Danîmarka, Yewnanistan û Swêdê kurd û dostên kurdan daketin qadan û operasyona leşkerî şermezar kirin. Di çalakiyan de hat destnîşan kirin ku şoreşa Rojava şoreşa gelan e û li dijî vê êrîş tên kirin.