NAVENDAN NÛÇEYAN - Yekîtiya Ragihandina Azad êrîşên dewleta tirk ên li dijî rojnemevan û sivîlan şermezar kir.

 

Yekîtiya Ragihandina Azad bi daxuyaniyekê komkujiya ku artêşa Tirk a dagirker duh li dijî karwanê sivîlên li Serêkaniyê pêk anîn û nûçegihanê ajansa me Saed Ehmed şehîd xist, her wiha 8 nûçegihanên din jî birîndar bû, 11 sivîl şehîd bûn û 74 jî birîndar bûn, şermezar kir.

 

Daxuyaniya Yekitiya Ragihandina Azad wiha ye:

 

"Karwanê destekdayîna mirovahiyê ya sivîlan, ku ji herêmên Cizîrê ber bi bajarê Serêkaniyê ve diçû, ji aliyê artêşa Tirk ve duh êvarê hate hedefgirtin û di encamê de rojnemevan bûn qurbanî.

 

Di encama topbaranê de nûçegihanê ajansa HAWAR`ê Saed Ehmed şehîd bû.

 

Rojnamevanên birîndar ev in:

 

Nûçegihanê ANHA`yê Mihemd Ekincî

 

Nûçegihanê ANF’ê Ersîn Çaksu

 

Nûçegihana Stêrk TV’yê Emel Yunis

 

Nûçegihanê North Pressê Dilsoz Dildar

 

Nûçegihan Yildiz û Rojbîn Ekîn

 

Rojemevan Abdreşîd Mihemed Mihemd

 

Nûçegihanê Rûdawê Huner Ehmed

 

Heta niha nehatiye diyarkirin bê ka rojnemevanên biyanî şehîd bûne,yan na.

 

Em wek Yekitiya Ragihandina Azad, em sersaxiyê ji hemû heval û malbata hevrê Seed Ehmed re dixwazin, her wiha soza şopandina rêya heqîqetê didin û şîfaya acil ji birîdarên hevalên xwe re dixwazin. Em di dawiyê de êrîşên dewleta hov şermezar dikin û civaka navdewletî, çapemenî, dezgehên çapemeniyê berpirsyariya ku îro dewleta Tirk derheqê sivîl û rojnamevanan de pêk tîne, dibînin.”