ÊLIH - Aktivîstên TJA’yê li Taxa Fatihê bi niştecihên taxê re civiyan da ku li dijî îşkence, tacîza cinsî, tecawiz û mirinên gumanbar ên li Navenda Lênêrîna Şifa ya Taybet a Batmanê nerazîbûnê nîşan bidin û ji wan xwestin ku bêdeng nemînin.

 

Tevgera Jinên Azad (TJA) çalakiyên xwe yên li dijî îşkence, tacîza cinsî, tecawiz û mirinên gumanbar ên li Navenda Lênêrîna Şifa ya Taybet a Êlihê didomîne.

 

Di çarçoveya van hewldanan de, aktivîstên TJA’yê, ku li taxên cûda atolyeyan li dar dixin, êvarê li Parka Kinem a Taxa Fatihê bi niştecihan re civiyan. Di civîna ku heta saetên dereng dom kir de, jinan bal kişand ser binpêkirinên li navenda lênêrînê û ji niştecihan hat xwestin ku bêdeng nemînin.