Sorgul Şêxo

 

HESEKÊ - Jina ji Kobanê ya bi navê Emîna Hec Memo ku bû şahida şerê Kobanê yê 2014'an û niha li Serêkaniyê ji ber êrîşên delweta tirk neçarî derketina ji bajar bû, wiha dibêje:"Dema ku DAIŞ'ê  êrîşî Kobanê kir, Erdogan li ku derê bû? Îro Erdogan çima sivîlan qetil dike û cîhan çima bêdeng e?"  

 

Îro Balafirên artêşa Navenda Bajarê Serêkaniyê topbaran kir. Di encamê de 4 kes birîndar bûn û niha Nexweşxaneya Roj tê hedefgirtin. 

 

Emîna Hec Memo ku bi eslê xwe ji Kobanê ye û  li Serêkaniyê dijî, îro ji neçarî û ji ber topbarana balafirên dewleta tirk ên li ser sivîlan, tevî zarokên xwe berê xwe da cihê ewle.

 

'Sivîlan hedef digirin'

 

Emîneyê wiha got: "Niha hevserê min di nava şer de ye û li ber xwe dide. Zarokên min biçûk in, ez neçarî derketinê mam, ji ber ku Artêşa Dewleta Tirk bê serû ber navenda bajêr û sivîlan hedef digire."

 

'Dema DAIŞ'ê êrîşî Kobanê kir Erdogan li ku bû'

 

Emîneyê wiha dewam kir: "Dema ku çeteyên DAIŞ'ê êrîşî Kobanê kirin, mirov serjêkirin û zarok qetil kirin sêwî bê dê û bav hiştin tu li kuderê bû Erdogan? Îro tu bi çi mafî sivîlan hedef digirî û wan dikî qurbana berjewendiyên xwe? Niha sivîl tên hedefgirtin û cîhan bêdeng e, şerm e  ji cîhanê re, îro mirovahî tê qetilkirin û hûn bêdengiya xwe diparêzin."

 

'Armanc zindîkirina DAIŞ'ê ye'

 

Emîneyê di dawiyê de ev yek anî ziman: "Armanca êrîşên Erdogan ew e ku DAIŞ a bi xwîna şehîdên me hatiye têkbirin, zindî bike. Da ku dîsa xeterî li ser herêmên me zêde bibe."

 

Artêşa tirk bi giranî navenda bajarê Serêkaniyê topbaran dike.