MÊRDÎN - Topa hewanê li gundê Xerabkort ê Qoserê ket. 2 kesan jiyana xwe ji dest dan û 12 kes jî birîndar bûn.  

 

Topa hewanê li gundê Xerabkort ê Navçeya Qoser a Mêrdînê ket. Piştî teqînê gelek ambulans û ekîbên tenduristiyê sewqî cihê bûyerê hatin kirin. Ekîbên hatin cihê bûyer birîndar rakirin Nexweşxaneya Dewletê ya Qoserê. Polîs û leşkeran derdora nexweşxanê girtin. 

 

Walîtiya Mêrdînê, derbarê bûyerê de daxuyanî da û diyar kir ku 2 kesan jiyana xwe ji dest  dan û 12 kes jî birîndar bûn.  

 

Xebatkarên çapemeniyê yên xwestin herin cihê bûyer, ji aliyê leşkeran ve hatin astengkirin.