MÊRSÎN - Platforma Jinan a Mêrsînê di daxuyaniya da de destnîşan kir ku zêdebûna kuştinên jinan, mirinên gumanbar ên jinan û şîdeta mêran bi awayekî sîstematîk mafê jiyanê tehdît dike û hemû jin vexwend Meşa Şeva Femînîst ku ew ê di 8'ê Adarê de li dijî şîdeta mêran li dar bixin.

 

Platforma Jinan a Mêrsînê li şaxa Mêrsînê ya Komeleya Mafên Mirovan (IHD) derbarê çalakiyên 8'ê Adarê Roja Jinan a Cîhanê de civînek çapemeniyê li dar xist. Gelek çalakvanên jin beşdarî civînê bûn, pankartek bi nivîsa "Em ji bo hev û ji bo jiyana xwe li kolanan in" hate hilgirtin. Ayşenur Onal li ser navê Platformê daxuyaniya çapemeniyê xwend.

 

Ayşenur Onal diyar kir ku 8'ê Adarê ji rojek bîranînê bêtir e; ew rojek têkoşînê ye ku tê de serhildana li dijî baviksalarî, kapîtalîzm û hemî şêweyên serdestiyê tê zêdekirin. Ayşenur Onal, diyar kir ku ew ê dev ji mafê jiyanê, daxwaza wekhevî, azadî û edaletê bernedin û got, "Em ê bi têkoşîna xwe ya femînîst civakekê gengaz bikin ku tê de kuştinên jinan biqedin, tundî were astengkirin, kesên LGBT+ dikarin wekî welatiyên wekhev bi azadî bijîn û keda me xuya û ewle be. Em di 12'emîn Meşa Şeva Femînîst de dicivin, ku em ê di 8'ê Adarê de saet di 7:30'an de êvarê de li Kolana Kushimoto li dar bixin. Em bang li hemû jinan û kesên LGBT+ dikin ku di vê têkoşînê de bi ruhê hevgirtinê yê 8'ê Adarê mil bi mil bisekinin, dengê xwe bilind bikin û bi hev re valahiyan tijî bikin."

 

Daxuyanî bi çepikan bi dawî bû.