DÊRSIM – Parasvanê walî Tuncay Sonel, Şukru Eroglu ku di çarçoveya lêpirsîna Gulîstan Doku de hatibû binçavkirin, di îfadeya xwe de diyar kir ku ew hîn jî li ser kar e.

 

Di çarçoveya lêpirsîna Gulîstan Doku de 15 kes hatin binçavkirin û ji wan 10 kes hat girtin û 3 kes jî hatin berdan. Waliyê Dêrsimê yê wê demê Tuncay Sonel û serbijîşkê wê demê ya Nexweşxaneya Dewletê ya Dêrsimê Çagdaş Ozdemîr jî hîn di bin çavan de tê girtin. Îfadeya parasvanê walî Şukru Eroglu  li Qereqola cendirmeyan a Mazgîrtê daye derket holê. Balkêş e ku Şukru Eroglu bi piranî bersivên, wek “Ez nizanim” ve reviyaye. 

 

Di îfadeyê de ji pirsa ‘we qet Gokhan Ertok re pere şandiye’re Şukru Eroglu bersiva, “Di navbera salên 2017 û 2020’an de me danûstandinên diravan ên têkildarî hesabên medyaya civakî yên Walîtî, Şaredarî û Walî hebûn. Walî carinan ji min dixwest ku ez pereyên berîkê ji wî re bişînim, ji ber vê yekê min ji hesabê xwe pere ji Gokhan re dişandin û dû re min ew pere bi naqd ji walî werdigirt.” Şukru Eroğlu ku got ku wî li ser daxwaza walî SIM karta ji bo hesabên medyaya dîjîtal ji sûcdar Gokhan Ertok re şandiye û diyar kir ku wî SIM karta di zarfekî mohrkirî de li ser talîmatên walî ji Gokhan Ertok re şandiye.

 

Li gorî rapora bingehîn a tengkirî, dema ku ji Şukru Eroğlu hat pirsîn ka sînyalên Gulîstan Doku û sînyala wî bi xwe di 5’ê Çileya 2020’an de li heman cihî hatine tespîtkirin, wî got ku ew bi tena serê xwe neçûye, lê wekî beşek ji tîmekê li gorî bernameyê bi walî re çûye. Lêbelê, wî bersivên dûr da pirsa ka sînyalên wî li heman cihî bi Umut Altaş û Mustafa Turkay Sonel re hatine tespîtkirin.

 

Şukru Eroglu di îfadeya xwe de diyar kir ku ew hîn jî wekî Parasvanê Cîgirê Serdozger li Daîreya Polîsan a Îzmîrê dixebite. Dema ku me telefon kir û pirsî ka Şukru Eroglu ji karên xwe hatiye dûrxistin an na, em nekarîn xwe bigihînin midûriyeta polîsan.