NAVENDA NÛÇEYAN - Tevgera Çand û Hunerê ya Rojava bernameya çalakiyên hunerî û çandî yên ji bo salvegera Şoreşa 19'ê Tîrmehê aşkera kir. Çalakî dê li 6 navendan li seranserê bajarên Cizîrê û Kobaniyê werin lidarxistin.

 

Sibê ango 19'ê Tîrmehê, salvegera 14'emîn a Şoreşa 19'ê Tîrmehê ye ku di sala 2012'yan de li Kobaniyê dest pê kir. Tevgera Çand û Hunerê ya Rojava bernameya çalakiyên hunerî û çandî yên ji bo salvegera Şoreşa 19'ê Tîrmehê aşkera kir. Komîteya amadekar a pîrozbahiyên salvegerê diyar kir ku şahî dê bi dirûşma "Em ê bi rihê 19'ê Tîrmehê, mafên gelê Kurd misoger bikin û Sûriyeyê demokratîk bikin" were lidarxistin.

 

Tevgera Çand û Hunerê ya Rojava bernameya hunerî û çandî ya pîrozbahiyan ragihand.

 

Qamişlo 

 

Li Qamişloyê pîrozbahî dê li Parka Azadî bi beşdariya hunermend Comerd û Deniz Duman, Koma Stêra Zêrîn a stranan û Koma Şehîdên Qereçox a govendê pêk were.

 

Hesekê 

 

Li Hesekê, çalakî dê li Parka 4`ê Nîsanê bi beşdariya hunermend Berband Hilat, Koma Gerestêr, hunermend Geşbûn û hunermend Mihemed Cûdî pêk were.

 

Til Temir 

 

Li Til Temirê dê pîrozbahî li Qada Newrozê bi beşdariya hunermend Aycan Kobanî, Koma Şoreş a stranan û hunermend Yara Ehmed were lidarxistin.

 

Dirbêsiyê 

 

Li Dirbêsiyê pîrozbahî dê li Parka Şehîd Zevîn bi beşdariya Koma Şehîd Xebat a stranan, hunermend Hojîn Hêrz û Koma Şehîd Zîlan a stranan pêk were.

 

Rimêlan 

 

Li Rimêlanê pîrozbahî dê li hewşa Navenda Aram Tîgran a Çand û Hunerê bi beşdariya Koma Eleniya ya stranan, Koma Serhildan a stranan, hunermend Wail Çeço û Koma Delîla ya stranan pêk were.

 

Dêrik 

 

Li bajarê Dêrikê pîrozbahî dê li Parka Dîcle bi beşdariya Koma Cûdî ya stranan, hunermend Xelîl Botan û Koma Delîla ya stranan pêk were.

 

Komîteya amadekar diyar kir ku hemû pîrozbahî dê di 19`ê Tîrmehê de saet di 19:00’an de li 6 bajaran dest pê bikin.

 

Kobanî 

 

Li bajarê Kobanî jî pîrozbahî dê roja Yekşemê saet di 18.30’an de li Stadyuma Şehîd Bawer Agirî bi beşdarbûna hunermendên Kurd ên ji Ewropa, herêma Cizîrê û Kobaniyê pêk were.