ENQERE- Heyeta Bakurê Kurdistanê a ji siyasetmedaran pêk tê derbasî Kobanê bû. Rêveberiya Xweser li Kobanê heyet pêşwazî kir.

 

Heyeteke ji siyasetmedarên Bakurê Kurdistanê pêk tê ji bo beşdarî merasîma cenazeyê siyasetmedarê Kurd Salih Muslim bibe, derbasî Kobanê bû. Şande li Kobanê ji aliyê Berpirsa Tekiliyên Dervê ya Rêveberiya Xweser Îlham Ehmed, Cîgirê Hevserokatiya Giştî yê Rêveberiya Xweser Hesen Koçer û nûnerên Rêveberiya Xweser ve hatin pêşvazîkirin.

 

Heyet ji van hevserok û kesayetan pêk tê: Hevserokên Giştî yên DBPê Çîgdem Kiliçgun Uçar û Keskîn Bayindir, Hevserokên Giştî yên DEM Partiyê Tulay Hatîmogullari û Tuncer Bakirhan, Hevberdevkên Înîsiyatîfa Yekîtiya Demokratîk Gulcan Kaçmaz Sayyîgît û Mehmet Kamaç, Hevberdevka HDKê Meral Daniş Beştaş, Cîgira Hevserokên Giştî ya DEM Partiyê ya ji Tekiliyên Derve Berpirsyar Ebru Gunay, aktivîsta TJAyê Sebahat Tuncel, siyasetmedarên Kurd Leyla Zana, Çetîn Arkaş, Serokwekîla Koma DEM Partiyê Gulîstan Kiliç Koçyîgît.